രജിസ്ട്രേഷൻ പ്രക്രിയ

ഞങ്ങളുടെ ഔദ്യോഗിക വെബ്സൈറ്റ് സന്ദർശിച്ച് "Registration" വിഭാഗത്തിലേക്ക് പോകുക. അവിടെ ഫോമിൽ ആവശ്യമായ വിവരങ്ങൾ പൂരിപ്പിച്ച്, അനുയോജ്യമായ കാറ്റഗറി തിരഞ്ഞെടുക്കണം. തുടർന്ന് Gemini Production House ബാങ്ക് അക്കൗണ്ടിലേക്കോ QR കോഡ് സ്കാൻ ചെയ്തോ ഫീസ് അടയ്ക്കാം. പേയ്മെന്റ് വിജയകരമായി പൂർത്തിയാക്കിയ ശേഷം, രസീത് വെബ്സൈറ്റിൽ അപ്ലോഡ് ചെയ്യുകയോ അല്ലെങ്കിൽ WhatsApp നമ്പറിലേക്ക് സ്ക്രീൻഷോട്ട് അയക്കുകയോ വേണം.

വീഡിയോ അപ്ലോഡ്

അതിന് ശേഷം, നിങ്ങൾ മൂന്ന് ലൈവ് സിംഗിംഗ് വീഡിയോകൾ അപ്ലോഡ് ചെയ്യണം (കുറഞ്ഞത് 2 മലയാളം ഗാനങ്ങൾ നിർബന്ധമാണ്, മൂന്നാമത്തെ പാട്ടു മലയാളമോ അല്ലെങ്കിൽ മറ്റു ഭാഷയിൽ നിന്നോ ആകാം). ഓരോ വീഡിയോയും മിനിമം 90 സെകൻ്റ്സ് ദൈർഘ്യമുള്ളതായിരിക്കണം. പാട്ടുകൾ വെറും ശ്രുതി ബോക്സ് ഉപയോഗിച്ചോ , പ്ലെയിൻ ആയിട്ടോ ആണ് പാടേണ്ടത്.. കരോക്കെ അനുവദിക്കുന്നതല്ല. ഈ പ്രക്രിയകൾ പൂർത്തിയാക്കിയതിന് ശേഷം, "Successful Registration" എന്ന പോപ്പ്-അപ്പ് സന്ദേശം നിങ്ങൾക്ക് ലഭിക്കും.

രജിസ്ട്രേഷൻ ആനുകൂല്യങ്ങൾ

രജിസ്റ്റർ ചെയ്ത എല്ലാ മത്സരാർത്ഥികൾക്കും പ്രമുഖ സംഗീതജ്ഞരുമായി നേരിൽ കാണാനും, ഒരു ദിവസത്തെ പ്രത്യേക വർക്ക്ഷോപ്പിലും ട്രെയിനിംഗ് പ്രോഗ്രാമിലും പങ്കെടുക്കാനും അവസരം ലഭിക്കും. കൂടാതെ, പ്രമുഖ സംഗീതജ്ഞരുടെ ഒപ്പോടും ആശംസ കുറിപ്പോടും കൂടിയ ഓൺലൈൻ participation certificate നൽകപ്പെടും.

ഫിസിക്കൽ ഓഡിഷൻ

അർഹരായ മത്സരാർത്ഥികൾ അടുത്ത ഘട്ടമായ നേരിട്ടുള്ള ഓഡിഷനിലേക്ക് തെരഞ്ഞെടുക്കപ്പെടും. ഈ ഓഡിഷനുകൾ പ്രമുഖ സംഗീതജ്ഞരും സെലിബ്രിറ്റികളുടെയും സാന്നിധ്യമുള്ളതായിരിക്കും, മെയ് മാസം ലാസ്റ്റ് കേരളത്തിലെ പ്രധാന നഗരങ്ങളിൽ നടത്തപ്പെടും.

റദ്ദാക്കൽ നയം

അപ്രതീക്ഷിത കാരണങ്ങളാൽ പരിപാടി റദ്ദാക്കുകയോ അനിശ്ചിതമായി മാറ്റിവയ്ക്കുകയോ ചെയ്താൽ, (മറ്റൊരു ദിവസം നിശ്ചയിക്കാൻ കഴിയാതെ വന്നാൽ) രജിസ്ട്രേഷൻ ഫീസ് മുഴുവനും Gemini Production House ഓരോ വ്യക്തിക്കും തിരികെ നൽകും.

രണ്ടാം ഘട്ട ആനുകൂല്യങ്ങൾ

രണ്ടാം ഘട്ടത്തിലേക്കോ ഫിസിക്കൽ ഓഡിഷനിലേക്കോ തെരഞ്ഞെടുക്കപ്പെട്ട മത്സരാർത്ഥികൾക്ക്, ഫൈനൽ മത്സരത്തിലേക്ക് പ്രവേശിക്കാൻ ആവശ്യമായ ഗ്രൂമിംഗ് സെഷനുകളും മറ്റ് സൗകര്യങ്ങൾക്കുമായി അധിക ഫീസ് ഉണ്ടായിരിക്കും. ഇവർക്കു മനോഹരമായ മെമെന്റോകൾ, സർട്ടിഫിക്കറ്റുകൾ, പ്രമുഖ സംഗീതജ്ഞരുമായി നേരിട്ടു സംവദിക്കാനുള്ള അവസരം എന്നിവ ലഭിക്കും.

സുതാര്യതയും ഉറപ്പും

ഇതിൽപ്പുറം, ഫൈനൽ മത്സരവും വിജയവും വരെയുള്ള എല്ലാ ഘട്ടങ്ങളിലും മറ്റേതെങ്കിലും ഫീസുകളോ ഹിഡൻ ചാർജുകളോ ഇല്ലെന്ന് Gemini production house ഉറപ്പുനൽകുന്നു. എല്ലാ ഓഡിഷനുകളും തെരഞ്ഞെടുപ്പുകളും പൂർണ്ണമായും സുതാര്യവും നിഷ്പക്ഷവുമായിരിക്കും.

വിജയികൾക്കുള്ള അവസരം

വിജയികൾക്കുള്ള സമ്മാനങ്ങൾ മെയ് അവസാനം നടത്തപ്പെടുന്ന ജെമിനി നാഷണൽ അവാർഡ് ഷോയുടെ വേദിയിൽ വച്ച് വിതരണം ചെയ്യുന്നതായിരിക്കും. ഇന്ത്യയിൽ തന്നെ പ്രമുഖ സീനിയർ സംഗീതജ്ഞർ നേരിട്ട് നേതൃത്വം നൽകുന്ന ഏറ്റവും വലിയതും ശുദ്ധ സംഗീതത്തെ സ്നേഹിക്കുന്നവർക്ക് അഭിമാനകരവുമായ ഈ അവാർഡ് ഷോയിലാണ് ഈ അപൂർവ അവസരം.

അതോടൊപ്പം, വിജയികൾക്ക് ഈ വേദിയിൽ പങ്കെടുക്കുകയും തങ്ങളുടെ കഴിവുകൾ അവതരിപ്പിച്ച് പെർഫോം ചെയ്യാനുള്ള അഭിമാന നിമിഷവും അവസരവും ലഭ്യമാകും.